Предизвик со кој се соочуваат многу сопственици на домашни миленици е анксиозноста од разделување. Оваа состојба може да се појави кај која било раса и на која било возраст кај кучињата. За среќа, постои нешто што можеме да направиме за нашите миленици да се чувствуваат поудобно.

Ветеринарот Адам Кристман во видеото на ТикТок сподели неколку совети.

Кристман објаснува дека оваа состојба може да се појави на многу начини. Еден заеднички знак е прекумерното лаење или завивање. Друг знак е е деструктивното однесување, како што се кинење играчки или перници. Вознемирените кучиња можат да вршат физиолошки потреби во домот додека сопственикот не е со него. Прекумерното лигавење и задишување исто така може да бидат показатели дека им е непријатно.

Кучињата добиваат суптилни знаци кои им кажуваат дека нивните сопственици излегуваат од домот. Ветеринарот предлага да се погрижиме нашите кучиња да имаат многу време за игра пред да го напуштите домот. Освен тоа, советува да ги однесете кучињата на ветеринар на преглед.

Тој во своето видео сподели приказна за лабрадор кој страда од анксиозност од разделување. Иако неговиот физички преглед бил незабележителен, резултатите од тестовите на крвта покажале позитивна реакција на Лајмска болест. Откако е излечена бактериската инфекција, неговата вознемиреност исчезнала.

Доколку вашето куче нема знаци на болест и ветеринарот потврди дека е здраво, постојат начини со кои ќе му помогнете да ја преброди анскиозноста. Ветеринарот предлага да користите шуплива играчка направена од гума и да ја наполните со омилените грицки на вашето куче. Додека тие уживаат во ова задоволство, вие опуштено излезете од просторијата и вратете се неколку минути подоцна како ништо да не се случило. Ова може да им помогне вашето куче да го поврзе заминувањето со позитивно искуство.

@dr.adamchristman52 Do You Have a Dog or Know a Dog With Separation Anxiety? Here’s what you need to know! #separationanxiety #doghealth #dogbehavior #vettok #dachshundsoftiktok #dogstok #dogparents #dogsontiktok ♬ Love – Revember