ВИДЕО | Педијатар предупредува: Не им верувајте на домашните кучиња во близина на мали деца
![](https://www-test.slobodenpecat.mk/wp-content/uploads/2024/01/Дете-со-куче.jpg)
Иако сите ги сакаме нашите домашни миленици, не секогаш треба да им веруваме, особено кога станува збор за децата.
Ова го потврдува и педијатар Сами, една од двете сопственички на тикток-профилот „Педи палс“. Таа ги предупредува родителите дека симпатичните, популарни видеа од бебиња и кучиња што ги гледаме на социјалните медиуми се исклучок. Динамиката помеѓу бебињата и кучињата во реалниот живот може да биде многу поопасна.
– Знам дека ги сакате вашите миленици и дека им верувате, но ако имате деца, не треба – предупредува таа.
![](https://www-test.slobodenpecat.mk/wp-content/uploads/2024/01/Девојче-со-куче.jpg)
Кога нејзините деца биле мали, кучињата не им приоѓале, и обратно. Таа признава дека нејзините кучиња никогаш во животот не покажале агресија, но тоа не значи дека нема да покажат во иднина.
– Само велам дека никогаш не можете да бидете премногу внимателни околу кучињата, без оглед на тоа колку ги сакате и колку се нежни – вели таа во видеото.
@thepedipalsThe worst cosmetically damaging dog bite I saw was actually done by a chihuaha. Of course larger dogs can even unalive people. So if you love your dog and kids, stop playing into the fairy tales of the internet- and be cautious, vigilant and smart. Im sure someone will say they didn’t like me whispering and for that, I pre-emptively apologize.♬ original sound – The PediPals (Pediatric Pals)