Во зоолошката градина Палиќ починала лавицата Кики.

– Лавицата Кики повеќе не е со нас. По 15 дена борба, таа ја загуби битката на својот живот, и покрај нашите најдобри напори да ја вратиме. Кики почина на 6 октомври околу 21 часот. Се надеваме дека нема да се повторат вакви случаи на злоупотреба на животни од несовесни „сопственици“, како што е нејзината – изјавија во зоолошката градина Палиќ.

– Случајот со лавицата Кики покажа, за жал, дека се додека има луѓе кои купуваат диви животни за забава, без да ги проверат условите за чување и да знаат дека мора да имаат дозвола за чување добиена исклучиво од Министерството за заштита на животната средина, додаваат во Зоолошката градина.

Малата лавица Кики пред околу две недели беше пронајдена во многу лоша состојба на патот кон Суботица.

– Нејзината тешка здравствена состојба е резултат на несоодветната исхрана во периодот пред приемот. Неухранетоста беше фатална за Кики. Таа има меѓу четири и пет месеци и имала само 9,5 килограми кога била примена. Во тој период би требало да тежи повеќе од 30 килограми! Тоа значи дека или воопшто не била хранета, што сега е тешко да се каже, или потполно неадекватно била нахранета, на пример, со кравјо или некое друго млеко – изјави претходно Соња Мандиќ, директорка на Зоолошката градина Палиќ.