Вирус направил хаос во Вардар: Клубот побара одложување на дербито со Еурофарм Пелистер
![](https://www-test.slobodenpecat.mk/wp-content/uploads/2023/10/Screenshot-2023-10-19-161534.jpg)
Викендов треба да се одигра второто дерби од ракометната Суперлига помеѓу Еурофарм Пелистер и Вардар.
Дербито е планирано да се одигра в недела во Битола, но истото може и да не се одржи. Имено, од Вардар денес побараа одложување на натпреварот.
Клубот информира дека е зафатен од вироза со која се заразени 15-тина луѓе од клубот и стручниот штаб.
Соопштението на РК Вардар:
Поради новонастанатата здравстевана ситуација во клубот, РК Вардар испрати допис и информација до Натпреварувачката комисија на Ракометната федерација на Македонија и до РК Пелистер.
„Би сакале да Ве известиме дека во моментов, заклучно со денешниот последен тренинг на екипата, имаме 15-тина играчи и членови на Стручен штаб кои се зафатени од тешка вироза и не се во можност ниту да тренираат, ниту да играат натпревар.
Поради ова, би сакале да најдеме заедничко решение за оваа состојба која го зафати клубот, а се во интерес на регуларноста на Првенството, фер-плејот и спортското џентлменство. За поткрепа на се ова што го говориме во текот на утрешниот ден, ќе испратиме и медицински извештаи со кои што се потврдува горенаведеното.
Во овој момент, би сакале да побараме Официјално одложување на натпреварот од 8-коло Супер-лига мажи, помеѓу екипите на Еурофарм Пелистер и Вардар 1961, се до пронаоѓање на следен датум којшто ќе одговара на двете екипи“, oбјавија црвено-црните.
Сега останува да се почека одлуката на РФМ и да се види дали барањето на Вардар ќе биде прифатено.