Месец октомври е месец посветен на подигање на свеста за ракот на дојка. „Слободен печат“ ги праша жените колку се свесни за ракот на дојката и дали одат на редовни прегледи. Голем дел од анкетираните велат дека знаат за редовните прегледи, редовно посетуваат лекар и прават контроли, а меѓу анкетираните имаше и жени кои на своја кожа ја почувствувале голготата која ја носи оваа опасна болест.

-Свесна сум многу, затоа што секоја година, не одам на ехо, а секоја втора втора година на мамографија. Тоа е задолжително за жени од над четириесет години и за тие кои што имаат одредени болести, кои што се поврзани со женското здравје- вели една скопјанка.

Друга е со исто мислење, но таа контроли прави на две години. Повозрасна госпоѓа вели дека е оперирана од канцер. Почувствувала грутка со големина на  јајце, почнала раката да и трне. Но приказната имала среќен крај, сега е здрава.

На прашањето што мисли дека треба да се направи за да се подигне свеста за рак на дојка во нашата заедница?- жените велат дека треба да се организираат прегледи за мамографија.

– Слушам дека за нив се чека многу. Јас сакав да правам, но се откажав бидејќи требаше да чекам многу. Неажурноста на здравството си го прави своето- вели една скопјанка.

Друга вели дека заболени од рак има многу, затоа што не се прегледуваат превентивно.

-Свеста кај жените кај нас е премногу мала. Треба здравствените работници да пропагираат, вие телевизиите да имате емисии кои што ќе ги едуцирате жените да одат редовно на преглед- вели госпоѓата.

Една од нив вели дека работела со пациенти со рак на дојка.

-Мислам дека е во подем, многу има пациентки со рак на дојка, ми се чини дека се зголемува бројот- вели скопјанката.

Целата анкета на нашата колешка Агнеса Чаволи погледнете ја овде: