Каде е Путин? Кремљ тврди дека тој е во својата резиденција, а Украинците дека со авион избегал од Москва
Портпаролот на Кремљ, Дмитриј Песков објави дека рускиот претседател Владимир Путин е во неговиот кабинет во Кремљ, каде што работи како и обично.
Ова го објави руската агенција РИА Новости, додека Антон Герашченко, советник во украинското Министерство за внатрешни работи, на Твитер напиша дека „претседателскиот авион на Путин наводно полетал од Москва до Санкт Петербург“, родниот град на шефот на руската држава.
Сепак, Герашченко потсети и на изјавата на Песков дека Путин е на своето работно место во Кремљ.
Putin’s presidential plane reportedly took off from Moscow to St. Petersburg.
At the same time, Peskov states that Putin is working in the Kremlin. pic.twitter.com/DE7WZcvMnw
— Anton Gerashchenko (@Gerashchenko_en) June 24, 2023
Украинската агенција „Некста“ на Твитер објави дека „авионот на Путин полетал од Москва и исчезнал од радарот“, повикувајќи се на податоците од веб-страницата Флајтрадар.
Се наведува дека авионот наводно престанал да пренесува сигнали кои овозможуваат да се следи некаде во близина на рускиот град Твер, кој се наоѓа на 180 километри северозападно од Москва.
Putin’s presidential plane reportedly took off from Moscow to St. Petersburg.
At the same time, Peskov states that Putin is working in the Kremlin. pic.twitter.com/DE7WZcvMnw
— Anton Gerashchenko (@Gerashchenko_en) June 24, 2023
Некста наведува дека една од резиденциите на Путин се наоѓа во регионот Твер и дека претседателскиот авион има опрема што му овозможува на Путин да ги контролира руските вооружени сили од воздух.
Путин денеска и се обрати на нацијата откако војниците од приватната воена компанија „Вагнер“ на Евгениј Пригожин ја презедоа контролата врз руските градови Ростов на Дон и Воронеж.
„Обидот да се предизвика раскол во општеството е удар во грб“, рече Путин, додавајќи дека преголемата амбиција доведе до предавство на Русија.
