ФОТО | Анџелина Џоли направи мистериозни тетоважи на средните прсти, фановите мислат дека се за Бред Пит
![](https://www-test.slobodenpecat.mk/wp-content/uploads/2023/08/Бред-Пит-и-Анџелина-Џоли.jpg)
Американската актерка Анџелина Џоли има десетици тетоважи на своето тело, а секоја од нив има посебно значење за неа.
Познатиот тату-артист „Мистер Кеј“ од Њујорк објави замаглена фотографија од новите тетоважи на актерката, која решила да ги направи на двата средни прста.
„Сѐ уште не ми се верува дека, всушност, јас ѝ ја допрев раката и ја тетовирав. Дали можете да погодите што истетовира таа?“, напиша артистот во описот на фотогафијата.
![](https://www-test.slobodenpecat.mk/wp-content/uploads/2023/08/Snapinsta.app_369886591_1344299379840405_7253842296108134823_n_1080.jpg)
Бројните обожаватели на Џоли веднаш почнаа да ги пишуваат своите претпоставки, а најчеста е онаа дека тетоважите се некоја пцовка упатена кон поранешниот сопруг на актерката – Бред Пит.
Но, „Мистер Кеј“ ги демантираше и искоментира: „Нема врска со Бред Пит“.
![](https://www-test.slobodenpecat.mk/wp-content/uploads/2023/08/Анџелина-Џоли.jpg)
Како потсетување, Бред Пит и Анџелина Џоли се запознаа на снимањето на филмот „Mr. & Mrs. Smith“ во 2004 година. Во тој период, Пит сѐ уште беше во брак со актерката Џенифер Анистон, со која се раздели во јануари 2005 година, a официјално се разведе во октомври истата година.
По десетгодишна врска, исполнета со многу јавни појавувања и неколку заеднички деца, Пит и Џоли стапија во брак во 2014 година. Две години подоцна, Џоли поднесе барање за развод.
Тие имаат шест заеднички деца – 21-годишниот Медокс, 19-годишниот Пакс, 18-годишната Захара, 17-годишната Шајло и 14-годишните близнаци Нокс и Вивиен.
![Анџелина Џоли и Бред Пит](https://www-test.slobodenpecat.mk/wp-content/uploads/2022/10/Џоли-и-Пит.jpg)