Студентите од Факултет за драмски уметности во следната испитна сесија ќе направат репертоар на претстави кои ќе ги играат на Академска сцена, наместо влезници, секој посетител ќе може да остави симболична сума на пари, која откако ќе се собере ќе се пренамени за помош.

Ова го најави Тина Величковиќ, студентка по режија на ФДУ и одговорна за „Академска сцена“.

„Ние не продаваме билет, туку сите доброволно ставаат пари во шеширот пред врата, тие пари ние ги користеиме за да направиме музичка програма, да ги користиме за купување костими и реквизити, нешто што е потребно за испитите. Сега решивме, парите од четирите настани што ќе траат од деветти февруари до први март, да бидат наменети конкретно за Леонид Индов, порача Величковиќ.

Таа кажа дека за Леонид има доста акции, но тој има тешка повреда на `рбетниот столб и се потребни многу пари за операција и за натамошна рехабилитација, а за акцијата имаат поддршка од студентите и професорите.