На 17 јуни минатата година кога нашите земји го потпишаа Договорот од Преспа испишавме историја. Деновиве мојот и нашиот пријател Алексис упати повик до ЕУ да се започнат преговори за нашата земја да стане членка, истакна на денешната прес-конференција во Владата, премиерот Зоран Заев.

Тој додаде дека соседот Грција е сега наш пријател и дека целото она што изгледало невозможно сега е реалност.

– Денеска нашата Република за прв пат во својата историја е домаќин на грчки премиер. Денешниот ден е историска одредница. Кога ќе погледнете во иднината што се отвара пред нас, гледате два соседни пријателски народи кои му покажаа на светот дека она што изгледаше невозможно, денеска е реалност – истакна Заев.