Претседателот на Србија, Александар Вучиќ се пофали со својот индекс на Инстаграм, откако ги положи сите предмети од првиот семестар на студии.

Шефот на српската држава моментно е студент на Високата спортска школа, а семестарот, како што може да се види од неговата објава го завршил со три десетки и една деветка.

Под фотографијата со индексот напиша дека жали што не се изборил и за четврта десетка, но дека тоа и физички било невозможно, бидејќи за таква оценка е потребно и физичко присуство на практични вежби за што немаше време.

Вучиќ лани во јули се запиша на факултет и од тогаш честопати ги известува неговите следбеници на Инстаграм за студентскиот живот.