Maкедонскиот фудбалер Бесир Исени, кој настапува за екипата на Тирана во албанското првенство, доби двегодишна суспензија поради нередите на натпреварот против Булис.

Тирана на свој терен одигра 2:2 против претпоследниот тим на табелата и така ја загуби титулата во албанското првенство. Натпреварот донесе голем инцидент во кој беше нападнат судијата Криденс Мета.

Веднаш по инцидентот беше отворена постапка, а Албанската фудбалска федерација се одлучи на строга казна, со цел да превентира други вакви инциденти во иднина. Најголема казна заработи 23-годишниот скопјанец Бесар Исени.

Исени суспензијата ја заработи поради плукање кон судиите. Казна заработија уште петмина фудбалери на Тирана, еден доби едногодишна суспензија, тројца шестмесечна и уште еден четири месеца.