По подолго време Стефан Ристовски не беше во А-селекцијата, како што е познато Ристовски се повлече поради несогласувања со селекторот Благоја Милевски.

За Ристовски исто така било чудно што во време на репрезентативната пауза тој немал обврски, а тоа го зборуваше во интервјуто за „Вечерњи лист“.

„Оваа нова ситуација за мен е чудна. Доаѓа паузата и мене во главата веќе ми е патот и натпреварите со репрезентација, но сега се е мирно. Сега сум само играч на Динамо и сакам да бидам посветен. Одморот добро ми дојде. Во репрезентацијата се случија некои работи, но повеќе на таа тема не би сакал да зборувам“, изјави Ристовски.

Беше запрашан и дали влијаел на одлуката на Адеми да се врати во Динамо по кратката епизода во Кина.

„Не го наговорив да се врати, важно е што Аки се врати таму каде што му е местото и каде што срцето му кажа“, изјави македонскиот фудбалер.