Некои корисници на социјалните мрежи и руски официјални лица велат дека милитантите на Хамас користат оружје што го снабдува Киев. Сепак, нема конкретни докази за да се утврди врската меѓу воениот арсенал на Хамас и Украина.

Дали има директна врска помеѓу војната Израел-Хамас и Украина? Некои корисници на социјалните мрежи и руски официјални лица велат дека милитантите на Хамас користат оружје испратено од Западот што го снабдува Киев.

„Киев препродава оружје на НАТО на радикални групи“, се вели на еден профил на Икс, порано познат како Твитер.

„Оружјето предадено на режимот во Украина активно се користи во Израел“, изјави Дмитриј Медведев, поранешниот руски претседател и близок соработник на Владимир Путин на неговиот официјален профил на Телеграм.

Американската републиканска конгресменка Марџори Тејлор-Грин, позната по ширење теории на заговор, исто така го повтори ова обвинување на платформата за социјалните медиуми Икс.

Едно видео кое многу се споделува по социјалните мрежи е лажен извештај на Би-Би-Си во кој се тврди дека истражувачкиот медиум Белинкат пронашол докази за трговија со оружје во Газа од Украина.

We're aware of a fake BBC video circulating on social media falsely claiming that Bellingcat has verified Ukrainian weapons sales to Hamas. We've reached no such conclusions or made any such claims. We'd like to stress that this is a fabrication and should be treated accordingly. pic.twitter.com/kX7R8ZVPzr

— Bellingcat (@bellingcat) October 10, 2023

Но, во реалноста, тоа е имитација што го копира карактеристичното лого и текст на Би-Би-Си со цел да ги измами корисниците на социјалните мрежи да мислат дека тоа е легитимен извештај.

Белинкат веднаш отфрли дека некогаш објавил таков извештај со твит: „Не дојдовме до такви заклучоци или не направивме такви тврдења“.

Елиот Хигинс, основачот на организацијата со седиште во Амстердам, истакна дека тврдењата се засилени од проруските корисници на социјалните мрежи.

„Не е јасно дали станува збор за кампања за дезинформација на руската влада или за грасрут напор, но тоа е 100% лажно“, напиша тој на Икс.

A fake video posted in pro-Kremlin circles with BBC branding and logo is falsely claiming that BBC News and @bellingcat are reporting that the Ukrainian government has provided weapons to Hamas.

The video is 100% fake. Neither BBC News nor Bellingcat have reported that. pic.twitter.com/bQdeBW3LPp

— Shayan Sardarizadeh (@Shayan86) October 10, 2023

„Видеото е 100% лажно. Ниту Би-Би-Си ниту Белинкат не го објавија тоа“, напиша Шајан Сардаризаде, известувач на Би-Би-Си Верифај, единицата за проверка на факти на медиумите.

Создавањето на овие лажни извештаи кои имитираат легитимни вести стана вообичаена онлајн алатка за ширење дезинформации.

Еуроњуз, исто така, неодамна беше цел на про-Кремљ кампања за дезинформации, во која лажно се тврдеше дека медиумот објавил извештај во кој се обвинуваат украински бегалци дека нападнале маж во Германија откако го помешале неговото словенечко знаме со руско.

Обвинувањата дека Киев продава оружје испратено од Западот на црниот пазар не се ништо ново и допрва треба да се докажуваат.

Денес, според повеќе експерти за оружје, нема апсолутно никакви конкретни докази за да се утврди врската меѓу воениот арсенал на Хамас и Украина.

Украинските власти ги отфрлија гласините дека оружјето на нејзината земја некако се најде во рацете на борците на Хамас.

Воената разузнавачка агенција на земјата објави на својата официјална страница на Фејсбук, обвинувајќи ја Москва дека подготвува кампања за дезинформации околу овие тврдења.