Капитенот на Јувентус, Џорџо Киелини не се најде во групата на тимот за гостувањето на Ајакс во првиот четвртфинален натпревар во Лигата на шампиони.

Дефанзивецот доби повреда на потколеницата на вчерашниот тренинг и не отпатува со соиграчите за Амстердам. На негово место утре се очекува да игра Даниеле Ругани, кој ќе биде партнер во центарот на одбраната со Леонардо Бонучи.

Надвор од сметките на тренерот Масимилиано Алегри останува и полудефанзивецот Емре Џан, кој исто лекува повреда.

Мегаѕвезда Кристијано Роналдо е опоравен од повредата и ќе го предводи нападот на „бело-црните”.