Ѓоковиќ на врвот 340 недели, намалена разликата во однос на Медведев
Најдобриот тенисер во светот, Новак Ѓоковиќ, ја започна својата 340 недела на врвот на АТП ранг листата.
Светскиот рекет број еден во моментов има 11,633 поени, што е за 500 помалку од претходната недела кога имаше 12,133 поени.
Како резултат на тоа, рускиот тенисер Данил Медведев му се доближи на Србинот и разликата меѓу двајцата играчи е 1,058 поени, бидејќи победникот на „УС Опен“ остана на своите 10,575 поени.
Нема промени меѓу првите 10, после првите двајца на ранг листата се Стефанос Циципас и Александар Зверев, следуваат Андреј Рубљов, Рафаел Надал, Матео Беретини, Доминик Тим, Рожер Федерер и Каспер Рад.
Во женска конкуренција води Австралијката Ешли Барти со 9,726 поени, пред Арина Сабаленка (7,005), а на третата позиција е Каролина Плишкова (5,265).
