Големиот тендер за централна набавка на биохемиски реагенси за лабораториите во земјава ќе биде распишан по завршување на претседателките избори, најави на денешната прес-конференција министерот за здравство Венко Филипче.

Повторното распишување на тендерот вреден околу 35 милиони евра беше најавено на прес-коференција во Владата уште пред неколку месеци. Тендерот беше распишан еднаш, но потоа поништен, а за него истрага отвори и Јавното обвинителство.

Лабораториите, според министерот моментално имаат доволни реагенси.

Централната набавка треба да обезбеди реагенси за сите лаборатории во земјава, а добавуачите ќе треба да дадат апарати на бесплатно користење. Новина ќе биде и тоа што нема сите анализи да се прават во сите лаборатории, туку ќе се направат неколку централни, а во другите ќе се прават само основните биохемиски анализи.