Египет прими десетици Палестинци и странски државјани

Премин Рафах, меѓу Египет и Газа / Фото EPA-EFE/HAITHAM IMAD

Египет денеска прими четириесетина Палестинци на кои им е потребна медицинска помош и 31 државјанин со странски пасош од Појасот Газа, соопштија египетските гранични власти.

Палестинските пациенти преку граничниот премин Рафа се транспортираат со возила на брза помош. Меѓу нив има и двајца ранети за време на војната меѓу Израел и Хамас, како и оние на кои им е потребна медицинска помош од други причини. Тие се евакуирани од неколку болници, вклучувајќи ја и болницата за турско-палестинско пријателство, Европската болница и медицинскиот комплекс Насер, и се упатија кон здравствените установи во Северен Синај, Исмаилија, Суец, Порт Саид и Каиро.

Во меѓувреме, Египет испорача нова пратка хуманитарна помош до блокираната енклава.

Од почетокот на конфликтот на 7 октомври до 19 јануари, во северноафриканската земја пристигнаа вкупно 528 авиони и 34 бродови со хуманитарна помош од четириесет земји и тринаесет организации. Дополнително, 7.179 камиони превезле 111.490 тони храна, лекови и медицински материјали.

Египетските власти го одредија аеродромот во близина на градот Ариш, кој се наоѓа на Средоземното Море на околу 50 километри од Рафа, како центар за испорака на помош.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот