Трамп кон Венецуела: Русите треба да си заминат

EPA-EFE/JIM LO SCALZO

Американскиот претседател Доналд Трамп денеска побара Русија да се повлече од Венецуела, откако официјална Москва распореди војници и опрема во таа земја.

-Русија мора да замине, рече Трамп на средбата со Фабијана Розалез, сопругата на лидерот на опозицијата, Хуан Гуаидо.

Руски војници пристигнаа во Венецуела во согласност со воено-техничкиот договор потпишан помеѓу Владата на Москва и на Каракас, изјави портпаролката на руското Министерство за надворешни работи Марија Захарова.

Генералниот секретаријат на Организацијата на американски држави (ОАС) претходно го осуди слетувањето на два руски авиона во Венецуела, кои транспортираа војници и товар.

Видео на денот